ПӦЛЬӦ-БОБӦ

Ывлаас пӧльӧ-бобӧыс ^Пӧльӧ-бобӧ — енгаг./^ сы мында!
Сэтӧн и татӧн йӧктігмоз лэбӧны,
Быттьӧкӧ шонді дзарйыскӧд дурӧны.

Кикарӧс пукта ӧтилы туй вылас —
Содйӧд моз каяс киӧд и сувтыштлас,
Сизим сьӧд чута мышкунас дзирдыштас.

— Коді нӧ гӧрдов мышкутӧ чутӧсьтіс?
Збыль ӧмӧй Шонді Енмыс тадз пасйыштіс,
Мед сэсся мукӧд гагсьыс век торъялін?

Гашкӧ, тэ бордъяд шоныдсӧ новлӧдлан?
Гашкӧ, тэ шудсӧ йӧзыслы разӧдан
Киясӧ зарни кок туйтӧ колигӧн?

Бобукӧй, бордтӧ шевгӧд и петкӧдлы,
Кытчӧ мен мунны шуда пай корсигмоз.
Гашкӧ и, тэ менӧ видзысь анделӧй?