МАМЛЫ

Менам абу велалӧма
	лоны меліӧн,
		лоны восьсаӧн.
И ӧні сӧмын верма гижны кывбурын:
«Мамук, мусаӧй,
  ме тэнӧ радейта!
  Помнитан,
  тэ веськавлін больничаӧ?
  Сэки ме, ичӧтик нывка,
  бӧрдлі,
  окавлі тэнсьыд платтьӧтӧ
  и кевми Енмыслысь,
  мед ӧдйӧджык локтан...
  Гортӧ волігӧн кор
	петан меным воча
		да небыда нюммунан,
  сьӧлӧмӧй топавлӧ мелілунысла».
  Но синмад веськыда бара на ог шу:
	«Ме тэнӧ радейта».