АРСЯ КАР

Гудыр енэж, помасьлытӧм зэр,
Ӧшинь сайын ыджыдалӧ арыс.
Вӧр-пуыслӧн кельдӧдӧма сер,
Жугыльмӧдӧ менӧ арся карыс.

Пельӧдз воӧ лӧнь гитара шы,
Нориника ворсӧ кодкӧ, кылӧ.
Сьӧлӧмӧй тшук татчӧ оз и сыв:
Шыыс колип сьылӧм кодь жӧ мыла.

Синъяс водзӧ сувтӧ сиктса ар:
Керка весьтын кисьмӧм пелысь розъяс,
Зарни коръя вӧрыс — югыд дзар...
Лышкыд вӧрысь ваям тыра дозъяс...

Гудыр енэж, помасьлытӧм зэр,
Ӧшинь сайын ыджыдалӧ арыс.
Вӧр-пуыслӧн кельдӧдӧма сер,
Жугыльмӧдіс менӧ арся карыс.