ЕНМЫД ЕНКӦД ТЫШКАСЬӦ

Миян грездын муніс тӧв ныр. Уна пакӧсьт вӧчис. Кодсюрӧлысь керка вевтъяссӧ шыблаліс.

Пӧрысь пӧчӧяс и кутісны шуавны — «тайӧ пӧ енмыд лӧгасис ен тӧдтӧм йӧз вылад: налысь ӧд и восьталіс керка вевтъяссӧ».

Аскинас мунасны вичко дорас, видзӧдӧны — вичко крестыс усьӧма, туплясьӧ муас. Сэсся и ӧні на сійӧ вичкоыс сюртӧм-пельтӧм сулалӧ.

Мыйысь бара енмыс ассьыс вичкосӧ вӧрзьӧдӧма? Святӧй крестсӧ шыбитӧма? Енмыс кӧ нин енмыскӧд косясьӧ-а?