СТРАХӦВӦЙЫД АБУ ВОТ

Уна крестьяна сорлалӧны страхӧвӧйтӧ вотӧн: сійӧ пӧ дзик ӧткодь, кыкнансӧ мырдӧн перйӧны.

Весь сідзи мӧвпалӧм, ёртъяс; страхӧвӧйыд да вотыд весиг абу ӧткодьӧсь.

Воттӧ перйӧны лӧсьӧдны мыйсюрӧ став йӧзыслы бур вылӧ, шуам: больничаяс, школаяс, кӧрт туйяс, учительясӧс, докторъясӧс, пельшӧръясӧс да мукӧд служащӧйясӧс видзны.

Страхӧвӧйтӧ сэтчӧ ньӧти оз сюйны. Страхӧвӧйыд дзоньнас бӧр крестьяналы локтас. Страхӧвӧйыд — быттьӧкӧ водзӧсасьӧм.

Кутшӧмкӧ кӧ ыджыд пикӧ воан, шуам: керка-картаыд-ӧ сотчас, вӧлыд-мӧскыд-ӧ кулӧ, Госстрах сетас тэныд отсӧг. Страхӧвӧйтӧ кӧ он мынты, тӧдӧмысь, отсӧгыд Госстрахсяньыд оз ло. Лоӧ сэки ветлӧдлыны керкаысь керкаӧ, бӧрдӧмӧн корны отсӧг. Чукӧрмас-ӧ сійӧ тадзинад коригӧн?.. Да и бур кадыс мыйта мунас! Страхуйтӧмыд кӧ вӧлі — сӧмын шыӧдчы Госстрахад, отсӧгыд сэн и эм.

Сідзкӧ, ёртъяс, керка-картатӧ, скӧттӧ, асьтӧ страхуйтӧмысь оз ков петитчыны да нюжӧдчыны. Колӧ вунӧдны важ шуӧм: «Пикӧ вотӧдз водзӧ йылысь огӧ думыштӧй». Колӧ думайтыштны и водзӧ йылысь: вермас быдторйыс лоны.

Страхуйтӧмыд, ёртъяс, зэв буртор. Сійӧ колӧ тӧдны быд мортлы да ньӧти нюжӧдчытӧг зільны мынтыны сійӧс кадын.

А.