КӦЙДЫС ВОАС КАДӦ

Мӧскуа. Комвнуторг зэв зіля мырсьӧ ӧні ыстыны кӧйдыс, кӧні косла няньяс этша воӧма. Кӧйдыс кындзи тшӧтш кӧсйӧ ыстыны сёян нянь. Кӧйдысыс кутас мунны Волга бердӧ, мыйкӧ мында — асыв-лунвылӧ, войвыв Кавказӧ, кыргызъяс оланінӧ. Ставсӧ лоӧ мӧдӧдӧма сизим миллион да джын пуд кӧйдыс. Медым некутшӧм кост эз ло кӧйдыссӧ мӧдӧдігӧн, медым эськӧ кад кежлас кӧйдысыс воис, ыстыны кутасны со кутшӧм срокъясӧ: 1500000 пуд август 1-й лун кежлӧ, 1875000 пуд — август 5-ӧд лун кежлӧ, 1500000 пуд — август 10-ӧд лунӧ, 1875000 пуд — август 15-ӧд лун, ӧстаткисӧ — август 20-ӧд лун кежлӧ.