КОЛӦ НИН ЭНОВТНЫ ТӦДЫСЬЯСТӦ

Миян Коми муын вывті на уна пемыдлуныд. Бура на унаысь паныдасьлывлӧны Удораса кӧнӧвалъяс — керкаысь керкаӧ ветлӧны, висьысьясӧс пывсянӧ новлӧдлӧны, виръяс лэдзалӧны.

Айкинаын миян эмӧсь бабаяс — ныв-зонмӧс смилитӧны.

Шожымын «Кӧин гӧтыр» вӧв-мӧскӧс лечитӧ. Апрель тӧлысьын вӧлі ӧти гӧлиник мортлӧн мӧскыс висьмӧма омӧля вердӧмысь. Корӧмаӧсь «Кӧин гӧтырӧс». — «Тшака пӧ мӧскыд», — шуӧма. Начкӧмаӧсь мӧстӧ, а сійӧ дзоньвидза вӧлӧма, куйлӧма сӧмын омӧля вердӧмаӧсь да.

Важӧн нин эськӧ колӧ, коми войтыр, вунӧдны татшӧм лекаръястӧ да. Мынтанныд ӧд налы вель уна, тӧлкыс нӧ кутшӧм вӧвлі эз?

Важӧн нин эськӧ колӧ, коми войтырӧй, пельшӧръяс дінӧ кутчысьны. Абу жӧ ӧд нин кӧ ми сэтшӧм нем гӧгӧрвотӧм йӧз. Эм на ӧд юрыс коми дядьӧыслӧн?

И. Исаков.