ЭНӦ КЫВЗӦ ЛЁК СЁРНИЯС!

Кӧнсюрӧ Коми муын сёрнитӧны: сортовка вӧр пӧ Сӧвет власьт кӧсйӧ мӧдӧдны Англиялы важ, сардырся уджйӧзысь.

Энӧ кывзӧй татшӧм лёк сӧрӧмъяссӧ! Сӧвет власьт некор оз вӧч омӧльтор уджалысьяслы, крестьяналы. Англияса буржуйяс эськӧ корӧны мынтысьны сардырся уджйӧзысь да, сӧмын оз сідзи ло. Миянлы найӧ унджык лёксӧ вӧчисны. Некод на ӧні оз тӧд, оз куж шуны, кодсянь ковмас уджйӧзыс: миянсянь-ӧ, насянь-ӧ.

Ӧні мунӧ миян правительстволӧн Англиякӧд сёрни. Войдӧрсӧ англияса капиталистъяс зэв ёна босьтчылісны жмитны миянӧс, унатор кӧсйисны нетшыштны. Сӧмын ичӧтика лои налы лӧньны: Сӧвет власьт эз сетчы налы. Водзын ёна на, дерт, ковмас накӧд вермасьны, сӧмын миян делегация оз сетчы увтыртны Россияса уджалысь йӧзӧс.

Лёк сёрнияс крестьяна костын разӧдысьясӧс колӧ кутавны да мыждыны. А бур йӧзлы оз ков кывзыны сэтшӧм лӧжнӧй сёрнияссӧ. Некутшӧм эмбур Сӧветса Россияысь важ уджйӧзысь оз мун некутшӧм мукӧд государствоса буржуйяслы. Тайӧс колӧ тӧдны быдӧнлы!