КОРСЬӦЙ МЫЖАСӦ!

Пожӧгса Исполком тӧвнас гижавліс, кодлы мыйта ковмас тулыснас ид кӧйдыс. Колӧ вӧлӧм унджыкыслы. Мӧйму (колян во) няньыд омӧль воліс, кӧйдыс вылад идйыд оз вӧлі чуж.

Воис тулыс, колӧ кӧдзны, йӧзыд виччысьӧны кӧйдыс, а кӧйдыс век абу — некод оз тӧд, воас али оз. Лои сэсся кӧдзны лёк кӧйдыснад, коді шӧрипӧв оз чуж. Кодзӧма нин кык вежон, а век на эз петав, йӧзыд полӧны, шуасьӧны: тайӧ лёк кӧйдысыд пӧ оз чуж, сэтчӧ нӧшта зэр босьтчис; думайтӧны мӧд пӧв кӧдзны.

Май 17-ӧд лунӧ вӧлисти воис кӧйдысыд. Йӧзыдлы лои зэв нимкодь, быдӧн радлӧны, воӧма пӧ бур кӧйдыс. Став кӧйдысыс вӧлі воӧма 600 пуд. Дерт, сійӧс уналы он юк. Кутісны сетавны. Кватитчим кӧ, бур кӧйдыс пыдди ыстӧмаӧсь зэв омӧль кӧйдыс: джынвыйӧ сю сора, зӧр сора, лыа сора. Йӧзыд шензьӧны, мыйла пӧ татшӧмсӧ ыстӧны? Колӧ пӧ корсьны, коді таысь мыжа да ёна мыждыны, мед водзӧ кежлӧ тадзи оз вӧчны.

Кодлы татчӧдз мог, горӧдчӧй миян дор газет пыр.

Зі.