ЛӦСЬӦДӦЙ ОТСАСЯН КОМИТЕТЪЯС!
Кымынысь нин ми шулім, висьтавлім крестьяналы: лӧсьӧдалӧй быдлаӧ
Вӧлӧмкӧ, абу на быдлаын Комитетыд.
Коми йӧзыд пыр на полӧны мыйыськӧ. Унаӧн на шуасны: тайӧ пӧ Сӧвет власьт бара кутшӧмкӧ налог лӧсьӧдӧ. Лёк йӧзыдлы (кулакъяслы) сійӧ и колӧ. Оз кӧ гӧль крестьяна ӧтувтчыны, пырысь‐пыр найӧ сюрӧны озыр кабыр улӧ. Бӧрвылас сэсся асьныс жӧ норасьӧны, лябсьӧны: «Олӧм пӧ некутшӧм абу».
Сизим вонад эськӧ позис нин гӧгӧрвоны, кутшӧма тільсьӧ Сӧвет власьтыд Коммунист партиякӧд крестьяналысь овмӧссӧ кыпӧдны, кокньӧдны.
Со неважӧн Сыктывдінкар кузя вӧлі ветлӧдлӧ Висерса морт. Сылӧн мӧскыс кулӧма. Ӧктысьӧ коньӧр лавкаяс дорын, кодкӧ оз-ӧ сет кымынкӧ грӧш. Юалім сылысь: мыйла нӧ
Мӧд морт Висерса жӧ (Джиянысь), неважӧн на локтӧма салдатысь, сідзи жӧ ветлӧдлӧ, ӧктысьӧ. Керкаыс сотчӧма став кӧлуйнас. Бара жӧ Комитетыд абу!
Со ӧд кутшӧмӧсь миян йӧзыд! Кысь нин нӧ «криста радиӧн» грӧштӧ корӧмнад чукӧртан эмбуртӧ!
Татшӧм приччаыд вермас суны быдӧнӧс. Колӧ быдӧнлы водзвыв лӧсьӧдчыны сы шӧрӧ-водзӧ. Колӧ быдлаӧ лӧсьӧдавны Комитетъястӧ. Суас кӧ гӧль мортӧс кутшӧмкӧ причча, мед Комитетыд вермас отсӧг сетны сылы, кок йылас сувтӧдны.
Сэсся ми некор огӧ водзвыв видзчысьӧ приччасьыд — огӧ ассьыным эмбурнымӧс страхуйтӧ. Ӧд Висерсаясыдлӧн кӧ вӧлі страхуйтӧма мӧссӧ либӧ керкасӧ, Государственнӧй Страхованньӧ на отсаліс бура ёна.
Колӧ выль ногӧнджык овны. Колӧ кывзыны бур вылӧ велӧдӧмсӧ, оз ков кывзыны лёк йӧзлысь вӧйпӧмсӧ, сӧрӧмсӧ. Сэки регыдджык кыптас овмӧсным, регыдджык мездмам сьӧкыд кадсьыс.
