* * *

Ми тэкӧд дыр нин олам шонді визулас,
И сьӧлӧм миян век на вӧлі пӧсь.
Ми тэкӧд лёксӧ йӧртім ыджыд из улас
Да, енсыкӧдӧн, вель на шудаӧсь.

Мен мамӧ шуліс: нимкодьла пӧ пӧсявлі,
Кор синъяс улӧ гозйӧн усинныд.
Тэд менам ньылыд кывйӧй век на лӧсявліс,
А меным — тэнад пыдди пуктӧмыд.

И код нӧ эськӧ тэд да меным висьталас,
Ми, татшӧмъясыс, енъюгыдас кысь.
Вай ӧшинь улысь пелысьяссӧ киськалам,
Ме вайлі мича вылӧ туй дорысь.