* * *

Вай эн на шогӧ усь,
Мый коркӧ вӧлім томӧсь,
А ӧні гажа рыт
Оз кытчӧкӧ да ну.
Ӧд сьӧлӧм вель на сюсь,
И сьыланкыв эз помась,
И эг на ставсӧ тэд,
Мый колӧ вӧлі, шу.

Вай эн на помся доль,
Мый кывтіс миян тулыс.
И весиг ӧти ном
Оз миян вонйӧ пыр.
Ӧд ӧзйӧ маръямоль
И арся шонді улын,
И баба гожӧм пӧсь
Му вылас бура дыр.

Вай эн на водзвыв шу,
Мый ылӧсас и олім:
Оз некод ӧнӧдз тӧд,
Мый сэтшӧм сьӧлӧм би.
Ӧд, пырліс кӧть йӧй ру,
Ме тэ дорӧ век волі,
И мыйыс кӧть оз ло,
Ог торъялӧй нин ми.