* * *

Медся мича на тай вӧлӧмыд,
Медся шоныд на тай сьӧлӧмыд.
Медся небыдӧсь на киясыд,
Медся югыдӧсь на биясыд.

Тэ ӧд луныс и войыс,
Тэ ӧд выльыс и важыс.
Тэ ӧд шогыс и дойыс,
Тэ ӧд шудыс и гажыс.

Медся меліӧсь на сывъясыд,
Медся лӧсьыдӧсь на кывъясыд.
Медся тэрыбӧсь на кокъясыд,
Медся шоныдӧсь на бокъясыд.

Медся матысӧсь на синъясыд,
Медся чӧскыдӧсь на блинъясыд.
Медся кокни на тай видӧмыд,
Медся колана тай индӧмыд.