* * *

Гылыд серама, мелі кывъяса,
Долыд синъяса, небыд сывъяса.
Ӧтнад татшӧмыс — медся мичаыс,
Мамӧн чужтӧмыс, Енмӧн видзаныс.

Кокни вӧраса, шоныд кияса,
Кыпыд морӧса, сьӧлӧм бияса.
Ӧтнад татшӧмыс — медся мусаыс,
Тӧлысьвывсаыс, шондіувсаыс.

Гажа рытъяса, мича лунъяса,
Югыд думъяса, чӧскыд унъяса.
Ӧтнад татшӧмыс — медся донаыс,
Меным коланыс, меным оланыс.

Ӧтнад татшӧмыс, ӧтнад татшӧмыс.