ШУДА КОДЗУВ

Шуда кодзув усис важӧн,
Да век чайтсьӧ: усяс мӧд.
Коді олӧ пань тыр гажӧн,
Сійӧ олӧмсӧ оз тӧд.

Шуда кодзув, шуда кодзув —
Пемыд йирын югыд би.
Абу яндзим некод водзын,
Кыдзи олам тэкӧд ми.

Абу вӧльнӧй светас райыс,
Сійӧс корсьны ме ог кут.
Вӧр да, видз да ӧшинь сайын —
Миян медся ыджыд шуд.

Шуда кодзув усис важӧн,
Да век чайтсьӧ: усяс мӧд.
Тэкӧд меным медся гажа,
Тайӧс, дона мортӧй, тӧд.