* * *

Петыр Васьлӧн шӧркост нылыс
Коркӧ мекӧд качайтчыліс.
Улӧ-вылӧ, улӧ-вылӧ —
Качлім сыкӧд вӧр-пу йылӧ.

Шлывгис воча енэж улыс,
Водіс кокъяс улӧ тулыс.
Улӧ-вылӧ, улӧ-вылӧ —
Юрным вӧлі бергӧдчылӧ.

Сьӧлӧм пытшкӧ ытва воліс,
Ок и лӧсьыд меным лоліс.
Улӧ-вылӧ, улӧ-вылӧ —
Тайӧ кадыс колис ылӧ.

Петыр Васьлӧн шӧркост нылыс
Коркӧ мекӧд качайтчыліс.
Улӧ-вылӧ, улӧ-вылӧ —
Менам сьӧлӧм век на сьылӧ.