* * *

Ме кӧ эськӧ тэнад вӧлі,
Тэрыб пыжад тшӧтш жӧ сӧлі.
Катім эськӧ вӧр-пу йылӧ,
Юсянь матӧ, сиктсянь ылӧ.

Лэптім эськӧ сэні терем
Джуджыд юрӧн, мича серӧн.
Чужті эськӧ зарни пиӧс —
Тэныд ёртӧс, веськыд киӧс.

Коді кывтіс, коді катіс,
Эськӧ ньӧжмӧдчыліс таті.
Миян ордын сёйис-юис,
Кывтчӧс-катчӧс юӧр нуис.

Цар царицакӧд пӧ олӧ
Инӧн-ладӧн, няньӧн-солӧн.
Гажыс тырыс, шудыс тырыс —
Со пӧ кӧні оландырыс.

Ме кӧ эськӧ тэнад вӧлі...