* * *

Сера бордъя варыш пуксис ӧшинь улӧ,
Пуксис ӧшинь улӧ, да эг сыкӧд лэб:
Ылі тӧдтӧм муас гажтӧмысла кула,
Гажтӧмысла кула, да оз некод дзеб.

Зарни сюра йӧра воліс потшӧс дорӧ,
Воліс потшӧс дорӧ, да эг сыкӧд мун:
Улич вылӧй эськӧ лоас парма гора,
Лоас парма гора, да оз гортӧй вун.

Войколалысь пыжа сувтліс вала туйӧ,
Сувтліс вала туйӧ, да эг сэтчӧ сӧв:
Верӧс вылӧ эськӧ удал зонмыс туйӧ,
Удал зонмыс туйӧ, да ме ола чӧв.

Гажа тулыс воас, сьӧлӧм бордъя лоас,
Сьӧлӧм бордъя лоас, дзикӧдз ышмас лов.
Коді меным колӧ, аслас кокӧн воас,
Аслас кокӧн воас, оз на корсьны ков.