АБУ НА ТУЛЫС

Абу на тулыс, абу на тулыс,
Сьӧлӧмӧй шоналіс мед.
Лэбачыс-кӧкыс валы да мулы
Гӧлӧс на весиг эз сет.

Абу на тулыс, абу на тулыс,
Сьӧлӧмӧй пӧсяліс мед.
Кильчӧяс вылӧ, ӧшиньяс улӧ
Гудӧк на весиг эз пет.

Абу на тулыс, абу на тулыс,
Сьӧлӧмӧй ымраліс мед.
Зарава-масӧ кытысь тай юлім,
Ньӧти на таво оз пет.

Абу на тулыс, абу на тулыс,
Сьӧлӧмӧй ыпъяліс мед.
Мусаӧн тэнӧ важӧн нин шулі,
Некодлы некор ог сет.