* * *

Оз кӧ мудзты, оз кӧ пӧсьӧд,
Кутшӧм сійӧ ва да пыж?
Бурсӧ казьтывлыны лӧсьыд,
Лёксӧ казьтывлыны дыш.

Визув косьтын коркӧ вӧлім,
Ӧні вомын вылынӧсь.
Мича тэнад небыд гӧлӧс,
Менам сьӧлӧм би кодь пӧсь.

Кытчӧ катам, сэтчӧ-й воам,
Енэж горйын пестам би.
Шоныд видзысьясӧн лоам
Енъюгыдас тэкӧд ми.

Бурсӧ казьтывлыны лӧсьыд,
Лёксӧ казьтывлыны дыш.
Тэнад бордйӧн, менам пӧсьӧн
Дыр на чилгас миян пыж.