* * *

Тэ да ме да коркӧ ветлім Иван виддзӧ,
Дзоляӧсь на, тэкӧд ӧктім катшасин.
Тэнӧ сэки номйысь бура ёна видзи,
Вӧрзьыштліс нин кыткӧ-мыйкӧ сьӧлӧм дін.

Тэ да ме да коркӧ ветлім Кӧдзыд шорӧ,
Зонпосни на, тэкӧд юим зарава.
Матыстлі нин сэки тэнӧ сьӧлӧм дорӧ,
Окасим да эг тай бура кужӧй на.

Тэ да ме да коркӧ ветлім Петыр ягӧ,
Ныла-зонма, тэкӧд корсим борд да лов.
Уна вӧлі пувйыс, уна вӧлі тшакыс...
Казьтыла да, нинӧм сэсся мен оз ков.