КОМИ ОБЛАСЬТУВСА ИСПОЛНИТЕЛЬНӦЙ КОМИТЕТЛӦН ШУӦМ ВИДЗЧЫСЬНЫ ЙӦЙМӦМ ПОНЪЯСЫСЬ

1. Сыктывдінкарын да карбердса вӧлӧсьтъясын ветлӧдлӧны уна бокӧвӧй (брӧдячӧй) пон. Вермасны лоны на пиын йӧйталан понъяс. Йӧймӧм пон кӧ курччалас мортӧс либӧ скӧтӧс, йӧймасны тшӧтш найӧ. Йӧйталан висьӧм вермас паськавны зэв ӧдйӧ и ёна. Сы вӧсна, медым видзны дзоньвидзаӧн йӧзӧс да скӧтӧс, Обласьтувса Исполнительнӧй Комитет тшӧктӧ став понсӧ видзны дом йылын либӧ лэдзны найӧс вӧля вылӧ сӧмын нырысӧн (намордники), медым оз вермыны курччасьны. Нырысыс медым вӧлі ён, сутугаысь. Сытӧг вӧля вылын ветлысь понъясӧ пондасны лыйлыны.

2. Тайӧ тшӧктӧмсӧ кывзытӧмъяс пондасны штрапуйтсьыны 50 шайтӧдз деньгаӧн либӧ мырдӧн уджӧдны кык вежонӧн.

3. Тайӧ тшӧктӧмыс медым весь оз ло, кыйӧдны местнӧй кӧзяйственнӧй отделлы да милициялы.

4. Тайӧ тшӧктӧмыс абу сӧмын карса йӧзлы, но Обласьт пасьта олысь йӧзлы пыдди вылӧ. Карын пондасны кутавны да лыйлыны понъясӧс тайӧ гижӧд юӧртӧм мыстиыс, деревняясын, сиктъясын — мыйӧн воас тайӧ газетыс.

Содтӧд: посни понъясӧс («роч понъясӧс») позьӧ видзны вӧля вылын, домтӧг.

Обисполкомын юралысь пыдди Юркин.

Секретар ОИК-ын Нахлупин.

1924ʼ воӧ юнь 12-ӧд лунӧ.

№ 4448.