МУ ЮКЛӦМ

Волся вӧлӧсьтув Куниб деревняын медбӧръяысь му юклӧм вӧлӧма 1918ʼ воын. Юклігас муяссӧ зэв ёна посньӧдлӧмаӧсь, уна му вылӧ пинянад он сибав. Сы вӧсна няньыд омӧля кутіс воны: бор дорад да бӧрӧзда дорад тай оз кай сійӧ. Сэсся ӧд лёльӧӧсисны муясыд: позтысяніныс, майбыр, уна — гӧгӧрбок. Няньтӧ да пуктастӧ ёна найӧ колян во джыбӧдісны. Уджавны посни муястӧ сьӧкыд, ветлӧдлыны муысь муӧ уна дона кад вошӧ. Тӧлквывкодь кутісны пуксьыны мужикъяс: 1923 восянь арсянь пондісны сёрнитны выльысь муяс юклыны, гырысьмӧдны найӧс. Уна скодъяс вылын сёрнитӧм бӧрын воисны ӧти кывйӧ заводитны юксьыны таво.

Эз тай ло сідзи. Юксян кадыс мыйӧн воис, унаӧн бӧрыньтчыны пондісны сійӧ уджсьыд: жаль ӧд лишнӧй мусьыд лэччысьныс. Тайӧ вояснас уналӧн 3−4 сёйысь вылӧ муыс лишнӧй лоӧма, мукӧдыслӧн 3−4 сёйысьлы оз тырмы дай.

Лунтыр вензисны му юклӧм да Сӧвет власьтӧн индӧм му уджалӧм — 5−7 перемена йылысь. Эз вермыны лӧсьӧдчыны, кывъяс вожалісны. Му юклӧм таво кежлӧ помасис.

Весьшӧрӧ, Кунибса войтыр, эновтчинныд му юклӧмысь, повзинныд му сортъяс артмытӧмысь. Позис ӧд судзӧдлыны Визинса агрономӧс. Сійӧ эськӧ лӧсьӧдаліс муястӧ сортъясӧн, индаліс-туйдаліс уджавны мунытӧ выль ногӧн — 5−6 переменаӧн.

Весь ызгӧмӧн-горзӧмӧн тӧлк оз босьт, колӧ лючки кутчысьны олӧм бердад.

Акинь пи.