* * *

Борйысь борйӧ лэбалӧ
Бобув — мича лов.
Дырсӧ ӧти дзоридзын
Сійӧ тай оз ов.

Борйысь борйӧ котралӧ
Ӧти мича ныв.
Дырсӧ ӧти берегын
Сійӧ тай оз сьыв.

Тайӧ мича бобувсӧ
Ог на кый ме, ог.
Медым эськӧ таланьӧ
Сійӧ оз на-й лок.

Тайӧ мича нылансӧ
Ог на кут ме, ог.
Абу на дзик банйӧма
Сійӧ гӧгӧрбок.

Арся кӧдзыд зэръясӧдз
Зэв на уна кад.
Мед и нылыс — бобулыс
Лэбаласны тат.

Мӧд кӧ найӧс куталас,
Ёна лоӧ жаль:
Ме ӧд налы плавгылі
Дзоридзьяса шаль.