ЧАКОТКАКӦД ВЕРМАСЬНЫ
Обласьтувса Здравотделын восьтӧма Комиссия куим лун чӧж нуӧдны удж вермасьны чакоткакӧд. Сійӧ Комиссияӧ пырӧмаӧсь бӧрйӧм йӧз государственнӧй, партийнӧй, профессиональнӧй ӧтувтчӧмъясысь. Чакоткакӧд вермасян лунъяс — 14, 15, 16-ӧд лунъяс юнь тӧлысьын. Комиссиялӧн медколанторйыс — чукӧртны тайӧ куим луннас сьӧм да мукӧдтор, восьтыны Сыктывдінкарӧ торъя керка бурдӧдавны чакоткаӧн висьысьясӧс (
Медым бурджыка тӧдмӧдны Обласьтувса войтырӧс тайӧ «Куим лунъя вермасьӧмӧн чакоткакӧд», Комиссия шуис: лыддявны лекцияяс чакотка йылысь, висьтавлыны сы йылысь быд чукӧра йӧзлы, чуксавны унджык йӧзӧс отсавны тайӧ куим лунас, ӧктысьны, восьтыны чакоткаӧн вермасянін. Сэки сӧмын кутам ми вермыны бурджыка вермасьны чакоткакӧд. Чакотка — зэв омӧль висьӧм: ӧдйӧ сывдӧ сійӧ лапа улӧ сюрӧм мортӧс. Кымын бур, уджалысь морт нин кулі тайӧн висьӧмысь! Жалиттӧг чакотка шырӧ уджалысь йӧзӧс, омӧльтӧ олӧм.
Сьӧкыд вояс — война, тшыгъялӧм — колины бӧрӧ, вермисны найӧс уджалысь йӧзыд. Коли удж вермасьны медомӧльторйыскӧд — чакоткакӧд. Тайӧ висьӧмыс омӧля, тшыг нисьӧ пӧт олӧмысь, дука, пӧсь керкаясын, пемыдінъясын ёна уджалӧмысь. Тайӧ висьӧмыс — коляс (
Куим лун чӧж вермасьӧм чакоткакӧд тӧдмӧдас быд мортӧс: кыдзи чакоткаыс чужӧ, паськалӧ, разалӧ, кыдзи колӧ сійӧс бурдӧдны, кутшӧм ногӧн. Нӧшта висьталасны, мый ыджда лёк вайӧ чакотка уджалысь йӧзлы.
Сэсся быд мортлы колӧ тӧдны: чакоткакӧд вермасьны пельшӧръяс, докторъяс куш ас кежаныс оз вермыны. Колӧ быдӧнлы отсасьны налы, пуктыны тайӧ уджӧ вынторсӧ, сьӧмсӧ.
Сэтшӧм государствоын, кытӧн шуӧма став йӧзыслы овны ӧтмоза, ӧткодя, чакоткаӧн висьӧмлы оз ков лоны. Нэмыс кежлӧ колӧ бырӧдны сійӧс!
Коми Обласьтувса войтыр! Сувтлӧй ставныд вермасьны морт синмӧн аддзытӧм ыджыд лёк вӧчыськӧд — чакоткакӧд!
Выннад, уджӧн, сьӧмӧн, кӧлуйӧн отсасьӧмӧн отсалӧй вермыны, бырӧдны сійӧс нэмыс кежлӧ!
Уджалысьяслы лёк вӧчысьясӧс вермасны сӧмын асьныс уджалысьясыс.
Комиссияын юралысь А. Камбалов.
