КОДІ ПАНЛӦДЛӦ

Леткаса поп ӧніӧдз на ас кипод улас кутӧ 3 десятина гӧгӧр му да 10 десятина кымын видз. Видз-мусӧ сетӧма медся бурсӧ. Поплы аслыс уджавны та мында видз-мутӧ, дерт, дышмӧдас. Став уджсӧ нуӧдӧны вичко дор сулалысьяс помечьясӧн. Лӧсьыд ӧд? Поп видзӧ 8 душ скӧт. Тӧвбыд найӧс вердіс, да ещӧ коли на додь 60 гӧгӧр. Помечалысь мужикъясыс асьныс, коньӧръяс, скӧтнысӧ вердісны идзасӧн.

Комсомольскӧй ячейка корліс Волземкомиссиялысь кӧть десятина джын поп вотчинаысь — сетісны ¼ десятина. Тайӧ му вылын том йӧз кӧсйӧны вӧлі лӧсьӧдны выль ногӧн му уджалӧм, но та ыджда му вылад нинӧмтор оз артмы.

Поп мыйӧн кылӧма мусӧ босьтӧм йылысь, пондіс повзьӧдлыны вичкоӧ волысьясӧс: ме пӧ тадзитӧ водзӧ ог кут служитны, онӧ кӧ пӧ сетӧй меным пуд джынйӧн быд кер вылысь нянь.

Попыд ӧд зэв юр вежӧра, сетасны кӧ пуд джынйӧннад няньтӧ, чукӧрмас вӧлӧсьт увсьыд 243 пуд. Лӧсьыдджык на тадзтӧ.

Колӧ поплысь регыдджык мырддьыны вотчинасӧ да сетны кодъяслӧн видз-муыс оз судзсьы.

Сыктывса Земкомиссия, вай босьтчыв жӧ тайӧ уджӧ!

Поплӧн любимеч.