ЛЕТКА ВӦЛӦСЬТЫН

Вӧлӧсьтувса Исполком

уджалӧ лӧсьыда. Председательыс эськӧ абу партийнӧй да, сы понда нинӧмтор, став уджсӧ нуӧдӧ веськыда. Шленъясыс сэтшӧмӧсь жӧ. Крестьянаыс сибалӧны быдӧн дінӧ.

Вӧлӧсьтын эм Нардом, библиотека, лыддьысянін. Сӧмын этша выльджык нигаяс. Газет воӧ этша жӧ. Спектакъяс овлӧны шоча. Ӧні дзик лои дугдыны спектакъяссӧ сувтӧдӧмысь — йӧзыс мырсьӧны муяс дорын, сы понда эз ло волысьыс.

Комсомолечьяс уджалӧны. Профсоюз узьӧ, быттьӧкӧ сійӧ абу.

Кооператив

уджалӧ лӧсьыда. Шленас пырӧмаӧсь морт 80 кымын. Унджыкӧн кӧ эськӧ пырасны шленад, сэки, дерт, лоӧ тӧварыд унджык, донтӧмджык. Колӧ крестьяналы регыдджык гижсьыны шленад, сэки аслыныс жӧ лӧсьыдджык лоӧ. Ӧні сеталӧны абутӧмджык крестьяналы кӧйдыс. Сетӧма нин морт 300 кымын. Став кӧйдысыс вӧлі 400 пуд зӧр да 300 пуд ид. Водзӧ кежлӧ кӧсйӧны сетавны сю кӧйдыс да сёян нянь.

Кыдзи Коми му пасьтаын эмӧсь вичкояс, сідзи жӧ миян Леткаын эм сэтшӧм вичкоыд. Регыд жӧ нин эськӧ киссяс да, быдсӧн нин потласьӧма.

Миян вичкоыд дзик нальк кодь, регыд ляпкӧдас волысьяссӧ. Колӧ эськӧ татшӧм «нальктӧ» регыдджык тупкыны.