ВЕЛӦДЫСЬЯСЛӦН ВЕЛӦДЧАН КУРС

Сыктывдінкарын ӧні мунӧ учительскӧй курс. Сэні велӧдчӧны коми школаын велӧдысьяс, тӧдмасьӧны выльногса олӧм мунӧмӧн, выль коланторъясӧн. Олӧмыд ӧд оз сулав — пыр ӧтарӧ мунӧ. Мед ми ог кольӧй олӧмсьыс, сійӧн и лӧсьӧдӧма тайӧ курсъяссӧ учительясыслы.

Найӧ киын ӧд миян том йӧзным, ныв-пиянным. Налӧн олӧмныс, уджалӧмныс кутас выль ногӧн мунны, оз дзик сэтшӧм, кутшӧм вӧлі пӧльяслӧн. Мед кутасны туйдыны велӧдысьяс том йӧзӧс, найӧ велӧдӧны медсясӧ Коми мулысь озырлунсӧ, вӧр-васӧ, видз-мусӧ да кыдз эськӧ бурджыка сійӧ уджавны.

Водзын ӧд школаясад сы йылысь кыв ни джын эз велӧдлыны учительястӧ, сійӧн и колӧ налы верстайтны олӧмсӧ-тӧдӧмсӧ.

С.