КАРДОР ОЙДЛӦМ

Тавося ыджыд ванад ойдлӧма Кардор (Архангельск). Медся ёна инмӧма пристаньяслы да Нардомыслы. Нардомас сымда волӧма ваыс, быдсӧн джоджыс, сцена вӧчалан стенъясыс, улӧс-пызанъясыс, ворсысьяслӧн паськӧмъясыс, мавтчан-гӧрдӧдчан кӧлуйыс — ставыс гӧвкъялӧма ваын. Позьӧма эськӧ найӧс видзны да, повзьӧмысла сэні уджалысьясыс немтор абу путьмӧмаӧсь петкӧдныс. Стӧрӧжыс тай ещӧ абу пӧдӧма-а, вевъялӧма пышйыны.

Руссанглолеслысь нуӧма 50 куб. вӧр. «Краснӧй раскат» заводысь — 4.000 кер. Бакарица пристаньын ва улас сюрлӧма нёль судта тэчӧм пызь мешӧкъяс. Москияс кылӧдӧма 2.000 саж. кузьта. Ӧти вӧр пилитан заводысь нуӧма 20.000 кер.

Ӧні Кардорсаяс, кодзувкотъяс моз, тільсьӧны-мырсьӧны дзоньтавны, лӧсьӧдавны ваӧн жугӧдавлӧм, кылӧдавлӧминъяс.