КРЕСТЬЯНАЛЫСЬ ВОАНА УДЖДЫСЬӦМ (КРЕСТЬЯНСКИЙ ЗАЕМ) ЙЫЛЫСЬ

май 15-ӧд лунӧ ОБФО-ын удж нуӧдысь Парамонов висьтавлӧм бӧрын Обисполкомса пленумлӧн шуӧм

ОБФО-ын удж нуӧдысь Парамонов ёртлысь висьталӧм «Воана удждысьӧм йылысь крестьяналысь» пуктыны пыдди.

Обисполкомса Пленумлы колӧ ёнджыка разӧдӧм, паськӧдӧм крестьяна костӧ тайӧ «Воана удждысьӧмсӧ крестьянаыслысь». Сы вӧсна ОИК Президиумлы да Комиссиялы тшӧктісны нуӧдны тайӧ уджсӧ ӧтув став партийнӧй, профессиональнӧй, сӧветскӧй, кооперативнӧй ӧтувтчӧмъяскӧд да удж нуӧданінъяскӧд, ёнджыка да бурджыка висьтавлыны крестьяналы «Воана удждысьӧм йылысь крестьяналысь»: а) висьтавлыны, вежӧравлыны та йылысь сиктъясын, деревняясын — чукӧстны став вынсӧ: школаын велӧдысьясӧс, клубъясын, кооперативъясын уджалысьясӧс да мукӧд пӧлӧс кужысь-тӧдысь деревняса уджалысьясӧс; б) висьтавлыны, вежӧравны быдлаын кысь аддзан чукӧра йӧзӧс: скодъяс вылын, спектакасянінъясын, лыддьысян керкаясын, лавкаясын, базар вылын да мукӧдлаын; в) ёнджыка паськӧдны-разӧдны тайӧ уджсӧ пуръясьысьяс костын; г) партийнӧй, профессиональнӧй ӧтувтчӧмъяслы ёнджыка зільны разӧдны билетъяс «Воана удждысьӧм крестьяналысь» ас костаныс, асланыс шленъяслы; д) хозучрежденньӧяслы, ӧтувтчӧмъяслы, уджаланінъяслы шыӧдчыны комиссияӧ билет ньӧбӧм йылысь. е) Удж нуӧдысьясыс пыдди «Воана удждысьӧм крестьяналысь» ёнджыка разӧдны-паськӧдны лоӧны Волисполкомъяс да Сельсӧветъяс.

Ёнджыка паськӧдны крестьяна костӧ «Воана удждысьӧм йылысь крестьяналысь» гижӧдӧн, лӧсьӧдчыны «Югыд туй» газет лэдзанінкӧд.