ЛӦСЬӦДӦЙ ШОЙЧЧАН, ШОНТЫСЯН КЕРКА!

Кывзан да, зэв ёна йӧз шуасьӧны, лёкӧсь пӧ миян москияс, туйяс. Пристань дорысь кайигӧн пӧ позьӧ сибдыны мортъяслы и вӧвъяслы. Он кӧ сибды пристаньсьыс кайигӧн, кар кузяыс лоӧ шлёпъявны паракодӧн войяснас локтӧм тӧдтӧм войтырлы зэр улын да вой тӧв швучкигӧн. Тайӧ шлёпъялӧмыд дзик жӧ няйтас сибдӧмыд кодь. Некытӧн абу юр сюянін, шонтысьыштанін. Сідзи и лоӧ войбыд ветлыны пиньяс тарзьӧдӧмӧн. Шойччыны да шонтысьны няйт йӧзтӧ некод оз лэдз. Некод нинӧм оз тӧд, эм-абу карас казеннӧй шойччан керка мукӧд каръясын моз; сідзи и лоӧ ӧтарӧ-мӧдарӧ ветлыны, бур морт шӧрӧ веськавтӧдз. Колӧ жӧ эськӧ сэтшӧм керкасӧ (абу на кӧ лӧсьӧдӧма) лӧсьӧдны.

Лӧсьӧдӧма кӧ, пристань вылӧ ляскыны гижӧд адрессӧ урчитӧмӧн, мед милиционеръяс да пристань вылын уджалысьяс вермасны тӧдтӧм войтырлы индыны сэтшӧм шойччанінсӧ.