АРМИЯЫСЬ ПЕТЫСЬ ГӦРД САЛДАТЪЯСЛЫ

Миян Коми Обласьтувса Исполкомын лӧсьӧдӧма торъя комиссия быд ног отсавны гортӧ петысь гӧрд салдатъяслы.

Тайӧ комиссияыс тшӧктӧ:

Ӧти-кӧ, армияысь лэдзӧм рабочӧй гӧрд салдатлы корсьны, сетны удж.

Мӧд-кӧ, армияысь лэдзӧм крестьянин гӧрд салдатлы отсавны гортса эмбурсӧ кыпӧдны: скӧт ньӧбӧмӧн, видз-му уджалан кӧлуйӧн, вӧрӧн, кӧйдысӧн, мукӧдторйӧн.

Коймӧд-кӧ, гортӧ петысь гӧрд салдатъяслы быдтор бура индавны, медым найӧ вермисны нуӧдны уджъяс сӧветъясын, кооперативъясын, гырысь йӧзӧс велӧданінъясын, ӧтувтчӧмъясын-чукӧртчӧмъясын.

Нёльӧд-кӧ, местнӧй власьтъясӧс тшӧктӧма чорыда видзӧдны, мед став закон шуӧм серти отсӧг вӧлі збыльысь вӧчӧма гортӧ петысь гӧрд салдатъяслы.

Та йылысь гижӧд колӧ быдӧнлы лыддьыны, тӧдны.

Став гортӧ петысь гӧрд салдатъяслы тайӧ ногӧн колӧ шыасьны со кутшӧм адрес кузя:

Армияысь петысьяслы отсасян Комиссия Обисполкомын, Сыктывдінкар.

Председатель комиссиялӧн Нахлупин.