ВИДЗ-МУ УДЖАЛАН МАШИНАЯС ЙЫЛЫСЬ
Уджалӧй машинаясӧн, кокньыдджык!
Сӧвет власьт век водзысь водзӧ тӧждысьӧ крестьяналысь овмӧс кыпӧдӧм понда. Неважӧн видз-му уджалан складӧ (Госсельскладӧ) воӧма Мӧскуасянь гижӧд крестьяналы машинаяс вузалӧм йылысь. Тшӧктӧны машинаяс вузавлыны мырсьысь крестьяналы, видз-му уджалан обществояслы, артельяслы — деньга вылӧ, вермытӧмъяслы уджӧн.
Ӧтка крестьянинлы кӧ либӧ артельяслы колӧ кутшӧмкӧ машина ли, плуг ли ньӧбны уджӧн, колӧ корны Волисполкомлысь ас овмӧс йывсьыд удостоверенньӧ да сійӧ удостоверенньӧсӧ сетны Госсельскладӧ. Сэтӧн удостоверенньӧ видлалӧм мысти вермасны сетны уджӧн обязательство улӧ гырысьджык машинаяссӧ дзонь вит во срок кежлӧ, посньыдджыкъяссӧ во-мӧд-коймӧд кежлӧ. (Удостоверенньӧсьыс да обязательствосьыс формаяссӧ печатайтам мӧд газетын).
Ӧтка крестьянинъяслы унджыкыслы, дерт, лоӧ сьӧкыд ньӧбны гырысьджык машинаяс — вартан, вундан, ытшкан либӧ кӧдзан машина. Сы понда колӧ регыдджык ӧтувтчавны видз-му уджалан артельясӧ. Гырысь машинаясыд кӧ лоӧны семья 10−15 вылӧ, сэки ёна кокньыд, ӧнія дорысь, лоӧ уджавнытӧ. Шуам кӧть кымынкӧ кыв вартан машина йылысь. Ӧнӧдз миян рынышъясӧн косьтӧмӧн вӧлі вартасны ар чӧж, сотасны тырыс пес да воштасны зэв уна вын ассьыныс. Унаысь овлывлӧ — рынышыс сотчас став няньыскӧд. Вартан машинатӧ кӧ босьтан, вежон кык-куимӧн вевта гумлаясын позьӧ вартны став няньсӧ артельыслысь джын трудӧн. Сідзитӧ ёна кокньыд лоӧ уджавны, мукӧд пӧлӧс машинаяс кӧ лоӧны.
Медым эськӧ машинаяссӧ регыдджык удайтчас разӧдны крестьяна пӧвстӧ, колӧ видз-му уджалан кооперативъяслы да общественнӧй лавкаяслы (
Кутшӧм кооперативъяс тӧждысьӧны крестьяна понда, колӧ ӧні жӧ панны сёрни матігӧгӧрса Госсельсклад отделенньӧкӧд да вӧчны сыкӧд договор (формаыс эм быд отделенньӧын). Тайӧ уджӧ кутчысьӧм кооперативъяслы ковмас: 1) уджйӧз крестьяналысь чукӧртны да сетавны сьӧмсӧ матысса Госсельскладӧ, 2) разӧдны крестьяна пӧвстын машинаяс да мукӧд пӧлӧс видз-му уджалан кӧлуй, 3) ручайтчыны крестьяна понда, мед найӧ уджйӧзнысӧ мынтасны срокъясӧ.
