ЧЕЛЯДЬЛЫ ОТСАСЬӦНЫ

Челядь медъёна тӧждысьӧны.

Апрель 7-ӧд лунӧ Кулӧмдінса велӧдчысьяс вӧчисны школаас спектакль. Став сьӧмыс спектаксьыс пырис эновтӧм, мам-батьтӧм челядьлы. Ворсігкостас петаліс сцена вылас пионер, чуксаліс гражданаӧс отсавны эновтӧм челядьлы.

Граждана кылісны чуксасьӧм.

13-ӧд лунӧ апрельын вӧлі Кулӧмдінса гражданалӧн собранньӧ. Сэні шуисны отсавны мам-батьтӧм челядьлы, ӧктысьны кар кузя подписнӧй листъясӧн.

Оз эновтчыны бур уджсьыд.

Апрель 13-ӧд лунӧ Кулӧмдінса ыджыд школаын вӧлі посни челядьлӧн чукӧртчӧм. Сёрнитісны, кыдзи мам-батьтӧм, эновтӧм челядьлы да Германияса челядьлы отсавны. Висьталысьяс вӧліны ас костсьыныс — челядьяс, пионеръяс.

Тшыгъявлытӧмъяс оз тӧдны тшыглун.

15-ӧд лунӧ Кулӧмдінса школаын велӧдчысьяс разӧдчисны кар пасьтала ӧктысьны эновтӧм челядьяслы отсӧг вылӧ. Воӧм бӧраныс найӧ норасьӧны озыр челядь вылӧ, шуасьӧны:

— Абу найӧ тӧдлӧмаӧсь тшыглунтӧ, оз гӧгӧрвоны мукӧдлысь тшыгъялӧмсӧ. Налы абу жаль тшыгъялысь челядьыд. Омӧля сеталісны ӧктысигӧн.

Зэв ёна лябсьӧны.