МӦСКУАЫН 1-Й МАЙ ПРАЗДНУЙТӦМ

Первой Май Мӧскуаын асывводзсянь кутісны празднуйтны. Став Сӧветса удж нуӧданінъяс вӧлі лӧсьӧдӧма зэв мичаа (украситӧма). Трамвайяс эз ветлыны — вывті уна йӧзыс вӧліны ывла вылас, оз позь вӧлі ветлыныс. Ӧкмыс чассянь заводитчис мунӧм Красная площадь вылӧ (Ленин гу дорӧ). Дас часын сэтчӧ воисны медводдза йӧз флагъясӧн, музыкаӧн. Ленин гу дорын копыртлісны флагъяс, знамяяс. Дас ӧти час кежлӧ сэтчӧ воис председатель Совнаркомысь тӧварыш Рыков, чолӧм кыв висьталігӧн шуис: «Мед олас Ленинлӧн паметь!» Йӧз сылы воча шуисны: «Ура! Мед олас Рыков». Празднуйтӧм нюжаліс рытӧдз. Став йӧзыс вӧлӧма кӧкъямыссё сюрс морт.