КЫДЗИ МУНІС 1-Й МАЙ МУКӦД ГОСУДАРСТВОЯСЫН

Ригаын (Латвияын) кольӧма шы ни тӧв. Ывла вылӧ рабочӧйясӧс абу лэдзлӧмаӧсь.

Токиоын (Японияын) рабочӧйяс абу повзьӧмаӧсь пӧлича кутӧмысь — дас сюрс рабочӧй гӧрд флагъясӧн мунӧмаӧсь кар кузя Интернационал сьылігтырйи. Сідз жӧ вӧлӧма Осака карын.

Йокогамаын (Японияын жӧ) пӧлича абу лэдзӧма рабочӧйяслы петавны ывла вылӧ. Рабочӧйяс вӧчӧмаӧсь керкаясын собранньӧяс.

Берлинын (Германияын) унджык рабочӧйыс абу уджалӧма пабрик-заводъясын. Пӧлича вермӧма кар шӧрас разӧдны рабочӧйясӧс. Сэсся найӧ бара чукӧртчӧмаӧсь. Найӧс сэки разӧдӧмаӧсь вӧла пӧличейскӧйяс, нӧйтӧмаӧсь — унаӧс нагайкаясӧн, мырддьӧмаӧсь кымынкӧ гӧрд флаг рабочӧйяслысь.

Стокгольмын (Швеция) Май 1-й лунӧ ывла вывті мунӧмаӧсь 20 сюрс морт. Май 1-й лун празднуйтӧмаӧсь став Швеция пасьтала. Сідз жӧ Норвегияын.