КУРЫД ЖОВ ПУ

Курыд жов пу тэ — калина,
Курыд жов пу — биа роз.
Дзикӧдз сотін сьӧлӧм дінӧс,
Ог тӧд, бурдас али оз.

Ме ӧд чайті: вомын сылас
Гожӧмбыдӧн небзьӧм тусь.
Ме ӧд чайті: енэж йылас
Оз на бӧрддзы еджыд юсь.

Ӧмидз эськӧ юмов вӧлі,
Да эг вотышт вежны вом.
Бипурнымӧс кынтіс тӧлыс,
Колис сӧмын сэрапом.

Курыд жов пу тэ — калина,
Курыд жов пу — биа роз.
Дзикӧдз сотін сьӧлӧм дінӧс,
Ог тӧд, бурдас али оз.