* * *

Морӧс бердас видзьяс
Сибӧдісны русӧ.
Ланьтіс бура важӧн
Бадьяс костын ю.
Мичасьыс на мича,
Мусасьыс на муса,
Гажасьыс на гажа
Менам чужан му.

Шонді вӧр-пу йылӧ
Зарни тывйӧн келіс.
Тӧлысь вылын вала
Мунӧ мича ныв.
Мыласьыс на мыла,
Мелісьыс на мелі,
Нимкодясьӧ талун
Менам сьыланкыв.

Китӧ киын кута,
Сьӧлӧм менам шоныд.
Тэнӧ сылӧн пӧсьыс
Век на шонтыліс.
Шудасьыс на шуда,
Донасьыс на дона,
Лӧсьыдсьыс на лӧсьыд
Тайӧ олӧмыс.