ГОРТӦ ПЕТЫСЬ КРАСНОАРМЕЕЧЛЫ

Мый колӧ вӧчны аслад сиктын

1. Быд уджӧн отсавны аслад сиктса коммунистъяслы, комсомолечьяслы; уджавны накӧд ӧтув.

2. Висьтавны — Сӧвет власьт дай коммунист партия Ленин тшӧктӧм серти пыр нуасны уджсӧ.

3. Сиктъясын радейтӧны Ленин ёртӧс, сӧмын оз на бура тӧдны сы йылысь. Висьтавлы, кутшӧм морт сійӧ вӧвлі, кутшӧм бур сетіс уджалысь йӧзлы.

4. Бӧрйыны Исполкомӧ сӧмын зіля уджалысь гӧль крестьянаӧс, вӧтлыны сэтысь озыръясӧс (кулакъясӧс). Эн пыксьы ачыд сэні уджалӧмысь, бӧръясны кӧ йӧзыс.

5. Эновтчы ӧнія ног видз-му уджалӧмысь, босьтчы выль ногӧн, агрономъяс висьтавлӧм серти.

6. Нем жалиттӧг, лёк ногӧн вӧр эн керав, дугӧд сыысь йӧзӧс.

7. Отсав быд ногӧн школаяслы, лыддьысян керкаяслы, клубъяслы; ӧтвылысь лӧсьӧдчӧй газетъяс судзӧдны.

8. Отсав кооперативъяслы, пыр сэтчӧ шленӧ.

9. Пыр лэбалан машинаяс лӧсьӧдны отсалан Обществоӧ, Мопрӧ.

10. Висьтавлы Сӧвет Республикаясӧн выль деньга лэдзӧм йылысь, крестьяналысь удждысьӧм йылысь (крестьянский заем).

11. Висьтавлы, мыйла колӧ уджалысь йӧзлы Гӧрд Армия, том йӧзӧс тшӧкты мунны сэтчӧ.

12. Гижась аслад часьтыдкӧд, юась сэтысь, мый он куж ачыд вӧчны.

13. Дугӧдны йӧзӧс самӧкур пуӧмысь да юӧмысь.

14. Тэ тӧдан, некутшӧм ен абу. Висьтавлы сы йылысь гортсаясыдлы. Попъяслысь ылӧдчӧм эн кывзы.

Коми Политсекретариат.