ГЕРМАНИЯЫН

Берлин (Германия). Министр Зеверинг да Берлинса пӧличалӧн президент, социал-демократ, Рихтер сетісны приказ, мед Май 1 лунӧ ывла вылӧ чукӧртчыны оз лэдзны. Позьӧ пӧ сӧмын собранньӧяс вӧчавны керкаясын. Приказын гижӧма, мед пӧ коммунистъясӧс демонстрацияяс вӧчны пӧлича оз лэдз, чукӧртчасны кӧ — оружйӧӧн разӧдны. Баварияса да Саксонияса правительствояс сідзжӧ оз тшӧктыны лэдзны майса демонстрацияяс. Германияса коммунист партиялӧн Центральнӧй Комитет гижӧ: сӧмын пӧ профсоюзъясын юрнуӧдысьяслӧн, буржуйяслысь кокбӧрля нюлысьяслӧн полӧмнысла, Берлинса власьтъяс лысьтісны демонстрацияясысь дугӧдны. Коммунист партия чуксалӧ став рабочӧй классӧ ӧтвылысь босьтчыны.