КОМИ ОБЛАСЬТУВСА ИСПОЛНИТЕЛЬНӦЙ КОМИТЕТЛӦН ТШӦКТӦМ КАРСА ЙӦЗӦС ПЕЛЬКӦДЧЫНЫ

Тулысын, лым сылігӧн, уличаяс, площадьяс, ӧшинь увъяс, керка гӧгӧр зэв ёна ёгӧссьӧны, няйтчӧны. Сы вӧсна вермасны лоны да ёна паськавны быдсяма вуджан висьӧмъяс.

Висьӧмысь-кулӧмысь видзчысьӧм кузя да медым карнымӧс пелька видзны, Обласьтувса Исполнительнӧй Комитет тшӧктӧ:

1) став гражданалы, общественнӧй да государственнӧй учрежденньӧяслы, ӧтувтчӧмъяслы весавны ӧшинь увъяс, керка-карта гӧгӧр, уличаяс да площадьяс быдсяма сикас ёгысь, куйӧдысь. Ӧні ёгсӧ чукӧртны ӧтилаӧ либӧ посньыдджык чукӧръясӧ, мӧдысь сэсся кыскыны ёг кисьталанінӧ Местнӧй Кӧзяйство индӧм серти.

Базарвыв ёгысь да куйӧдысь весавны быд рыт, базар эштӧм бӧрын.

2) Медым ӧшинь увъяс пыр пелькджыка видзны, быд йӧрӧ лӧсьӧдны ёг кисьталан гу. Кодйыны гусӧ колӧ санитаръяс тшӧктӧм серти, 1-й лунӧдз.

Ёг кисьталан гу да нужникъяс весавны быд во кыкысь либӧ унджыкысь.

3) Кар пелькӧдӧм йылысь — тайӧ шуӧмыс мед весь оз ло — медся ёна тӧждысьны да видзӧдны санитаръяслы да милициялы.

4) Кодъяс оз вӧчны тайӧ шуӧм серти, штрапуйтсясны 300 шайтӧн либӧ мырдӧн уджӧдасны куим тӧлысьӧдз.

5) Тайӧ тшӧктӧм лыддьыссьӧ «Югыд туй» газетын юӧртӧм лунсянь.

Обисполкомын юралысь Сорвачёв.

Секретар ОИК Нахлупин.

1924 во апрель 16-ӧд лун.

№ 2938

Сыктывдінкар.