МАЙ 5-ӦД ЛУН ПРАЗДНУЙТӦМ

Коми автономиялы 3 во тыран лун празднуйтны став йӧзӧн. Сійӧн лун шӧр кадын ИНО садйын (гӧжся театрын) лоӧ заседанньӧ Обисполкомлӧн, Карса Сӧветлӧн, Обкомлӧн, Обкоммоллӧн, Обпрофсоветлӧн. Сэтчӧ корны став партийнӧйясӧс, комсомолечьясӧс, профсоюзысь членъясӧс, гражданаӧс. Служащӧйяслы колӧ локны месткомъяснаныс плакатъясӧн.

Заседанньӧ вылын сьӧлӧм кывъяс висьтавласны: Обисполкомсянь Юркин, Обкомсянь Маегов, Обкоммолсянь Липин, Обпрофсоветсянь Кузьбӧжов, Гӧрд Армиясянь Левич, Коми му тӧдмӧдан Обществосянь Батиев. На бӧрын Сорвачёв вӧчас доклад «Автономиялӧн куим вося удж» йылысь.

Рытнас, 6 чассянь, театрын, Педтехникумын, Ыджыд школаын (2 ст.) лоӧны докладъяс: «Коми автономия лӧсьӧдӧм», «Кыдзи лои автономия, мый вермим ӧнӧдз вӧчны». Театрын докладъяс вӧчасны Маегов Сидоровкӧд; Педтехникумын — Михайлов Чеусовкӧд; Ыджыд школаын — Батиев Шаховкӧд.

Докладъяс бӧрын лоӧны коми рытъяс. Театрын Коми рыт лӧсьӧдны тшӧктӧма В. Ӧ. Савинлы (Нёбдінса Витторлы), Педтехникумын да Ыджыд школаын — сэтчӧс клубъяс Сӧветлы. Коми рытъяс вӧчны донтӧг (бесплатно). Билетъяс водзвыв разӧдны Сыктывдінкарса граждана костын да учрежденньӧясӧ. Мыйта сувтас тайӧ празднуйтӧмыс, став рӧскодсӧ вӧчны Обисполком тшӧт вылӧ.

Став докладъяссӧ, висьталӧмъяссӧ вӧчны коми кывйӧн.

Комиссияын юралысь Н. Шахов.

Шленъяс: А. Сидоров. Д. Батиев.