УДЖДАС ОЗ АНГЛИЯ МИЯНЛЫ ДЕНЬГА?
Став Республикаса кӧрт туйяс вылын уджалысьяслӧн ӧні мунӧ Мӧскуаын съезд. Съезд вылас т. Троцкӧй висьталіс со мый:
Ӧні став му вылас медся озыр Америка. Сійӧ эз воюйт, сӧмын война дырйиыс грабитіс мукӧд государствояс. Америка Европалы оз уджды деньга — Европаса государствояс (Англия кындзи) некод оз мынтыны сылы важ уджйӧзсӧ. Америка оз кӧсйы гӧгӧрвоны: Европа гӧль, сылӧн оз судзсьы выныс-деньгаыс овмӧссӧ кыпӧдны, некытысь нинӧм оз лишав Америкалы важсьыс мынтысьны.
Сетас оз миянлы Англия деньга, удждас оз?
Англия миянлы деньга оз уджды, огӧ кӧ ми мынтӧ сылы важ, сардырся вӧчӧм уджйӧз. Сӧмын ми Англиялысь асьным корам воча уджйӧз — гашкӧ, Англия миянлы унджык на уджйӧза лоӧ.
Дыр-ӧ ми кутам буржуйяслы уджйӧз мынтыны?
Кутам мынтысьны, кытчӧдз му вылын овны кутас буржуй. Миян налы ӧні лоӧ на удждысьӧмысь мынтысьны.
Англия вермас удждыны миянлы, миян тырмас закладыс. Дерт, кывзыны кӧ кутас аслас горш банкиръяслысь — нинӧм оз ло. Англия кӧ сетас миянлы кӧть ӧтик миллиард шайт, ми сійӧн вермам зэв ылӧ водзӧ чеччыштны, ёна ассьыным кӧзяйство кыпӧдны. Оз кӧ сет — сідз олам! Водзӧ сэки кутам кӧть и ньӧжйӧджык мунны, куим во пыдди, гашкӧ, ковмас дас во, затӧ некод водзын огӧ лоӧ уджйӧзаӧсь.
Европаын олӧмыс ӧні абу зэв шы ни тӧв. Миянлы овмӧс кыпӧдігӧн оз ков вунӧдны тшӧтш и военнӧй делӧ. Ми техниканад мукӧд дорысь слабӧсьджык, ковмас та вылӧ прамӧя видзӧдлыны. Лоас кӧ мӧдысь война, кутасны воюйтны сэки ёнджыка газӧн. Миянлы лоӧ газӧвӧй промышленносьт дорад бурджыка кутчысьны.
Троцкӧй тшӧктӧ быдлаын кӧрт туйяс кузя лӧсьӧдавны «
Ассьыс висьтсӧ т. Троцкӧй помаліс бурсиӧмӧн кӧрт туйяс вылын уджалысьяслы:
— Краснӧй Армия тшӧктіс тіянлы шуны:
«Мед видза оласны Краснӧй кӧрт туй вылын уджалысьяс!»
