РОЧ КЫВ ТӦДЫСЬЯС

(Удмурт висьт)

Ӧти сиктысь удмуртъяс (вотякъяс) нёль суседӧс — Герейӧс, Опосӧс, Агбайӧс да Камашӧс роч карӧ базарӧ вӧчасян кӧлуй ньӧбавны ыстӧмаӧсь. Найӧ пӧ рочӧн сёрнитны сяммӧны. Роч кывсӧ тӧдӧмыс налӧн татшӧм вӧлӧма: Герей нёль кыв тӧдӧ вӧлӧм: «наша дело, ваша воля».

Опослӧн тӧдӧмыс: «за пять копеек».

Агбай «давно бы так» шуны кужӧ вӧлӧм.

Камаш наысь на этша тӧдӧ: «я не знаю» кындзи рочӧн нинӧм оз куж.

Ыджыд гӧра дорӧ воисны, туй вылысь виӧм мортӧс аддзисны, сы дінӧ сувтыштлісны. Сэтчӧ станӧвӧй друг локтіс.

— Кто его убил? — юалӧ станӧвӧй.

— Наша дело, ваша воля, — шуӧ Герей.

— За что убили?

— За пять копеек, — Опос висьталіс.

— А зачем убили?

— Давно бы так, — шуӧ Агбай.

— Который из вас убил?

— Я не знаю, — шуӧ Камаш.

Станӧвӧй найӧс сьӧрас нуис. Сиктса удмуртъяс базарысь вӧчасян кӧлуй вайӧм виччысьӧны.

«Гудыри» («Гым») нима газетысь.