«КЫТІ ВӦСНИ, СЭТІ И ОРӦ.»
Вомын кывтыд помын эм гӧль дӧва чукӧр. — Педьӧлӧн вӧлӧма дӧва. Сійӧ пыртлӧма аслас ныв вылас мортӧс. Мортыд «кача» вонад тшыглы моз кулӧма, дӧваыдлӧн нылыс кольӧма мӧд дӧва. Во-мӧд нин сійӧ коктӧм, сэсся зэв лёк кыла дзолясяньыс. Тайӧ нылыдлӧн вӧлі бара жӧ ныв. Сійӧ мунліс Вомын катыдас верӧс сайӧ. Сылӧн мужикыс Германия война дырйи усьлі. Сылӧн гӧтырыс бӧр локтіс гортас, кагаӧн. Ӧні олӧны куим дӧва. На пытшкын эм мужик рӧд 17 арӧса, лёк кывъя (пыскыль) дай неуна ылалӧ. Нажӧвитны некод помысь. Сэтчӧ шӧрӧ ӧні налӧн вӧлыс куліс. Сійӧ налӧн вӧлі медбур нажӧтникыс. Няньныс тӧв шӧрӧдзыс оз тырмы. Таво сёйисны нин ӧтик мӧс нянь вылӧ, колян во видзсӧ кӧртмавлісны нянь вылӧ. Вӧв босьтны нинӧм вылӧ, вӧлі кӧ эськӧ страхуйтӧма, казнаысь деньга сетісны, кокньыдджык вӧлі и босьтныыд.
Колӧ отсыштны татшӧм гӧля олысьясыслы! Вомынса
Том дед.
