СӦВЕТ ВЛАСЬТ ДОР

Неважӧн вӧлі Вена карын (Австрияын) сёрни миян Румыниякӧд. Сёрни костті друг помасис. Медыджыд могыс сэні вӧлі лӧсьӧдчыны Бессарабия йылысь. Бессарабияыс вӧлі миян Россиялӧн. 1918 воын сійӧс мырдӧн босьтіс Румыния. Миян делегатъяс шуисны, колӧ пӧ юасьны сэтчӧс йӧзыслысь, кытчӧ найӧ кӧсйӧны пырны: Румынияӧ али Россияӧ, либӧ гашкӧ кӧсъясны асьныс восьтыны Автономнӧй Республика. Румыния шуис: та йылысь пӧ сёрни огӧ кутӧ нуны, Бессарабия пӧ важӧн нин ӧтлаалӧма Румыниякӧд.

Ӧні став Бессарабияса йӧзыс зэв ёна лӧгалӧны Румыния вылӧ, ошкӧны Сӧвет власьтӧс, кӧсйӧны ӧтувтчыны миянкӧд тшӧтш.