* * *

Арыс зэв нин кӧдзыд лола,

Он и тӧдлы, воас тӧв.

Гӧгӧр ставсӧ тыртас тола,

Быттьӧ нинӧм эз и вӧв.

Но ӧд воас гажа тулыс,

Но ӧд дзоридзалас льӧм.

Но ӧд миян ӧшинь улын

Ӧзъяс мусукасян рӧм.

Арыс зэв нин кӧдзыд лола,

Оз нин шонты лыска чом.

Оз нин гажӧдчӧмыс лолы,

Сьылӧм-йӧктӧмъяслы пом.

Но ӧд воас гажа тулыс,

Но ӧд дзоридзалас льӧм.

Но ӧд миян ӧшинь улын

Ӧзъяс мусукасян рӧм.

Арыс зэв нин кӧдзыд лола,

Оз нин киын шонав ки.

Кӧдзыд сьӧлӧмӧн жӧ олам

Тэкӧд, буракӧ, нин ми.

Но ӧд воас гажа тулыс,

Но ӧд дзоридзалас льӧм.

Но ӧд миян ӧшинь улын

Ӧзъяс мусукасян рӧм.