ЕДЖЫД РАЙДА

Парма шӧрын, гажа ягын,

Кӧні абу зык ни вен,

Войвыв мулӧн муса кага —

Еджыд Райда — олӧ сэн.

Мича Райда, муса Райда —

Еджыд мулӧн еджыд ныв.

Эськӧ банйӧма нин тай да,

Сӧмын абу дзик на сыв.

Батькӧд-мамкӧд олӧ-вылӧ,

Ставыс тырмӧ, ставыс дась.

Но ӧд коркӧ локтас сыла

Гажа ягсьыс петӧм князь.

Сьывны чукӧстчасны тӧвъяс,

Гажыс регыдӧн оз кус.

Еджыд муӧ еджыд вӧвъяс

Сэсся лэбзясны лым бус.