* * *

Бара тэ йылысь ме сьыла,

Кузь нюр вомӧ катігмоз.

Вӧрыс кылӧ, ваыс кылӧ,

Сӧмын тэнад сьӧлӧм — оз.

Бара тэ йылысь ме сьыла,

Кузь нюр вомын ытшкигмоз.

Лэчтан сьылӧ, коса сьылӧ,

Сӧмын тэнад сьӧлӧм — оз.

Бара тэ йылысь ме сьыла,

Кузь нюр вомын чӧвтігмоз.

Мырпом сылӧ, озйыс сылӧ,

Сӧмын тэнад сьӧлӧм — оз.

Бара тэ йылысь ме сьыла,

Кузь нюр вомысь кывтігмоз.

Тэтӧг эськӧ ола-выла,

Да вот сьӧлӧм — ньӧти оз.