* * *

Мича эськӧ тайӧ зонмыс,

Сӧмын чорыд кияса.

Нывлы сё зӧлӧта доныс

Колӧ югыд бияса.

Лӧсьыд эськӧ тайӧ зонмыс,

Сӧмын гора гӧлӧса.

Нывлы сё зӧлӧта доныс

Колӧ зарни кӧлыса.

Зіль тай эськӧ тайӧ зонмыс,

Сӧмын кӧдзыд кывъяса.

Нывлы сё зӧлӧта доныс

Колӧ шоныд сывъяса.

Шань тай эськӧ тайӧ зонмыс,

Сӧмын нюмсӧ дзебӧма.

Нывлы сё зӧлӧта доныс

Колӧ бордйӧн лэбана.

Тані, тані муса зонмыс,

Орччӧн тай и вӧлӧма.

Нывлы сё зӧлӧта доныс

Век на, майбыр, сюрлӧма.